Shillong: Ki pulit ka nongbah Shillong ki dang lai ki cha khmat wow takit hajrong i chah tynyap khiar i khonboo wa dang le tayaw ha Mission Compound, Shillong iwa da jia ha ka 19 Naiynru 2018.
Hajrong ini i jia, ki pulit da kem ki leh ya uwi u bru wa da tip pyrtuid kam u Clarence Rajee uwa da suba emkti ha ini i kaam.
U Superintendent of Police ka East Khasi Hills, u Davis N R Marak da pyntip u wa ka takit ya u Clarence, da kyntait u wa emkti ha ini i kaam.
U SP da ong u wa ki pulit ki chem chitom ki wow lai cha khmat ya ka takit neibhah hadooh katni ympu yoh ki wow yaklam wa ka bei i khonbo kawa hadooh katni dang em ko hapyrdi i chah sumaar.
Da ong u wa yeiwa jia sakhiat daw tip hadien wa yoh u takit ya ka bei ini i khonboo kawa dang chah sumaar neidaw wa sñiawsih kthang ko hajrong ini i jia ya i khon yong ka.
Also Read: Suba chah tynyap iwi i khonboo wa dang le tayaw ha Shillong
Discussion about this post