Uwa yahkhmat ka NPP, u Sniawbhalang Dhar da ong u wa ka Party dang thooh ko ya u bru wa thymme yow pynyieñ kam u kyrtong MP na Shillong neibynta ka Election cha ka Lok Sabha ha u snem wow wan.
Da ong u wa u MLA warim ka Mawsynram, u Himalaya Shangpliang uwa dang psiah cha ka NPP man u leh u bru wa thymme tangwa ym pu jooh em yaleh MP wei ka Party ym pu em chim ko yei rai neibhah em boon kiwa kwah wow yaleh ya kani ka MP Election.
Da ong u leh wa ka Party ye ko wow pynbna yei pyrtuid u kyrtong chwa u kut uni u bnai.
U Sniawbhalang da sñiawskem u leh yei jop neibhah ka NPP da yoh ko chiboon ki bhah ki Vote ini wa dep hawa nujor wa kiwi ki Party wei daw ku chooh chooh deiwa psiah ki MLA ka PDF ini wadep cha ka NPP.
Chooh chooh da ong u wa ka NPP da kwah ko wow knieh noh ya ka MP Shillong Seat na i kti ka Congress.
Katwa ya ka Tura Parliamentary Seat won da ong u wa daw pynyieñ da ka MP wa katni hi, ka Agatha Sangma.
Discussion about this post