U Montri Rangbah ka jylla, u Conrad K Sangma hapoh ka yung dorbar chna aiñ ynne da pyntip u wa da paan u na ka sorkar Assam ya i thaw wow chna yaka Meghalaya House wa thymme ha Guwahati kawa rap heh kawa man leh kam ka Guest House, ka Dormitory ya kiwa lai puræ kawa daw em leh wa kiwi de kiwa emkaam ki bru ka jylla.
Chooh chooh da ong u wa heipor wa yachem wa u Montri Rangbah ka Assam, da khana u ya oo ya ini wei i yaklam toh iwa da sdang wow e thaw yaka jylla Meghalaya.
U Conrad da pyntip u leh yei angnood ka sorkar wow chna Guest House ha Khanapara, Ri-Bhoi District ha i thaw yong ka sorkar hi wa daw leh da ka chnat Tourism.
Hachwa ini, u Montri ka chnat General Administration, u Rakkam A. Sangma da pyntip u wa ha ka Meghalaya House wa em ha Guwahati katni da em ko 15 tylli ki kamra wa 23 ngut kiwa kreh wa uwi u sahep katwa ha ka Meghalaya House wa em ha Vellore em ko 7 tylli ki yung (Flats) kiwa pait da ar ngut kiwa kreh wa uwi u sahep.
Da pyntip u leh wa ka sorkar Meghalaya da kwah ko u chna sa kawi ka Meghalaya House ha Guwahati kawa ym pu em yoh jubab naka sorkar Assam.
Chwa ini u heh ka Liang Pyrchah, u Ronnie V Lyngdoh da kyntu u wow pynboon ya ki kamra ha ki Meghalaya House ha Guwahati wa Vellore wow pyndap yeiwa duna ha kini ki ar tylli ki yung.
Discussion about this post