Ka sorkar jylla dang yaklam ko waka NEIGRIHMS heiyatoh wow sdang yaka Plasma Bank hapoh ka jylla Meghalaya.
Hawa yaklam wa ki laad pathai khubor ynne ka sngi, u symbood montri rangbah ka jylla u Prestone Tynsong da ong u wa yaka Plasma Bank toh kawa pynemkaam yow yarap wow sumaar ya kiwa chitom na u COVID-19 wei ym slem de daw chim yaka rai wa khaddooh.
Ka Plasma Bank man ko leh kam ka Blood Bank heiwa ki bru kiwa chitom na u COVID-19 kiwa da chait, ye ki wow wan e snam heiwa yei bynta i snam wa tip kam i Plasma ye wow pynemkaam yow sumaar ya kiwa chitom na u COVID-19.
Da ong u leh wa ini i e snam ym toh iwa da pynbor yaki bru wow leh ki wei man ko kamwa e snam hi iwa man i mon sñiawbha yong ki.
