Ynne ka sngi u Montri Rangbah hadien ka yalang yong ka SHG Mega Camp, ha Thadlaskein, West Jaiñtia Hills hawa yaklam wa kiwa pathai khubor hajrong i dooh thaw puræ (Admission) ki khynnah ha ka Class XI da ong u wa neidaw wa em ka khlam COVID-19, boon ki khynnah ymye de ki wow lai cha baar kamtæ da joor i dawa thaw ha ki thaw puræ ha Ri-loom Jaiñtia iwa ye wow hiar ha ki snem wow wan.
Da ong u wa chwa ini da em kamwa 500-600 ngut ki khynnah kiwa ympu yoh Admission tangwa nei chimkhia u MLA ka thaaiñ, u Wailadmiki Shylla, u DC ka West Jaiñtia Hills wa kamjooh leh ka chnat puræ puthi da ye wow pdiang sa ya kamwa 350-400 ngut ki khynnah wei katni da em kamwa 150 ngut ki wym pu yoh thaw.
Chooh chooh da kdaw u wa ki khynnah kiwa ympu yoh Admission wow kyruiñ ki cha kiwi ki thaw lait na ka Jowai kam ha Shangpung, Amlarem wa kiwi kiwi.
Heijooh i por da ong u wa lada em ki khynnah kiwa dang ye (Eligible) wow psiah, ka sorkar lyngba ka chnat puræ puthi daw yaleh ko katwa ye wow pdiang ya ki.
Da ong u leh wa uni u snem man uwa uwa phær neidaw wa em ka khlam COVID-19 wei neiliang ka sorkar leh daw yaleh ko katwa ye wow pynbait ya ini i eh i khoo.
