15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Dang yaleh ka sorkar wow tipmit ya ki thaw wa mih wa lang ka um

Advertisement ad1
Advertisement ad1
Advertisement ad1

U James Sangma uwa man leh u Montri ka chnat Rymaw wa Khloo, da pyntip u wa ka sorkar dang em ko hei yaleh wow tipmit ya waroh ki thaw wa lang wei mih ka um (Catchment Area) kiwa da sih da chah ktah bha.

Katkam wa ong u James, ka sorkar dang pait ko kammon wow leh yow yada ya kini ki Ctachment Area neibhah ini toh i kaam wa emkaam bha katni.

Advertisement ad1

“Ki bru tip ki wa ki Catchment Area toh kiwa pynpoi um cha ki wah wei da man ki kiwa da sih da chah ktah bha wei da emkaam wow sdang noh wow yada ya ki,” da ong u.

U James da pyntip u leh wa da phah ya ka chnat wow wanrah ko da ka thong krehkaam yow ye wow leh yeiwa thmu.

Heijooh i por da ong u leh wa u tipmit ym du ya ki thaw wa em kini ki Catchment Area kamjooh ki tre ki thaw lada ki yong ki bru samen lane ki yong ka chnong, yow tip kammon wow leh yow pynbha pynmiat biang yow khang yei ah dieñ kamjooh yow lait nei chah rah cha rong i khyndaw.

Ha iwi won i liang da ong u wa i pynim biang ya ka Wahumkhrah daw man i iwa khor bha wei kawa emkaam bha.

Da ong u wa khor u leh yeini neidaw wa ym du ka chnat khloo, emkaam leh ya kiwi ki chnat wow ya krehlang ki kam ka Urban Affairs, Soil and Water Conservation, Water Resources and Forest & Environment.

“Ini i ya krehlang toh iwa emkaam wei da sdang, wei da yooluti wa mynried mankawi daw ye wow pynbha biang ya iwa da pynsih,” da ong u James Sangma.

Share this:
Previous

Dang pyrkhat ka sorkar wow e tiar yasiat biang cha ki Forest Guards

Next

Nadooh 8 waje i miet u sdang ka Night Curfew ha East Khasi Hills