theme-sticky-logo-alt
theme-logo-alt
Advertisement ad1
Advertisement ad1

Dang yaleh wow pynbna smat ya ka Result kiwa yaleh kreh pulit, ong u Lahkmen

Advertisement ad1

Heiyatoh wa i slem wow pynmih ya ka Result kiwa yaleh kreh pulit, neiliang u Montri ka chnat ki Kaam Pohyung, u Lahkmen da ong u wa da khut yaleh kreh namo ka Advertisement nadooh u snem 2019 wei da em boon kiwa da yaleh yeini i kreh tangwa neidaw wa em khlam COVID-19 ym em ye wow pyndep ya ka Physical Efficiency Test (PET) tangwa hadien wa duna i poor ka khlam da ye wow pyndep ya ini kamjooh ya ka Written Test wei ya ka Result leh da pynkhreh wow pynbna.

Tangwa chwa wow leh ya ini da em i hap wow pynbait katkam ka aiñ deiwa pynkreh ya ka Roster System wei da emkaam wow pynbna smat neidaw wa duna ki bru wa kreh kamjooh yow pyndap ya ki kreh wa man thylli.

Advertisement ad1
Advertisement ad1

Da ong u leh wa ha i kreh pulit ym toh kam kiwi ki jait kreh wa mar ya pynbna ya ka Result te yoh wot wow lai kreh neibhah kiwa chah jied wow man kam ki pulit daw hap ki wow pyndep yei chah hikai kawa chi snem wei lada pynbna ya ka Result katni daw chimpor sa chi snem yow yoh ki wow sdang kreh kam ki pulit wei ha kani ka chi snem leh daw em kiwa boon kiwa da toh por wow chong ngiah wei da hap wow pyrkhat ya ini waroh i jait.

Kamtæ da ong u wa oo sñiawthooh u wa kat dang pynslem yeini daw ktah bha ko ya ki kaam tangwa da yaleh katwa ye yow lai smat chakhmat hawa yatoh wa ini i kaam.

Heijooh i por da yaroh u ya ki pulit wa wot hapyrdi ini i duna waroh leh dang ye ki wow pyndep yei kaamram.

Da khana u leh wa ka sorkar da booh bhah ko ya ka poisa yow chna ya waroh ki thaw krehkaam ki pulit hapoh ka jylla.

Puræ leh: 76 tylli ki kari thymme, 60 tylli ki thuk-thuk wei thaw sah u pynbiang ka sorkar ya ki pulit

Share this:
Previous

Sdang ka India wow chalan cha USA yei doh wa chna na ki jhoor

Next

Mynstep ka 23 tarik u sdang ka 14th Prize Money Knockout Football Tournament 2022