Dang yang T. 116.4 klur naka sorkar pyrdi yow yarap ya kiwa chah ktah ha i chlai um hapoh ka jylla: Kyrmen Shylla

Shillong: U montri wa pait ya ka chnat Revenue ka jylla, u Kyrmen Shylla da ong u wa em hadooh 27585 tylli ki yung kiwa chah ktah na i chlai um ha West Garo Hills, wa 3505 Hectare ki thaw rep wa chah ktah. Ya ini u montri da pyntip u hawa jubab ya iwa kylli wa da wanrah da u MLA ka Mawsynram u HM Shangpliang ha yung dorbar ynne ka sngi.

U Kyrmen da pyntip u ya i chah ktah na ki District waphær waphær tangwa kiwa boon dang yang yaka bui (Report) neidaw wa ym pu yoh lut.

Ha East Garo Hills, i chah ktah ki thaw rep man ko 2.9 Hectare katwa ya kiwi kam ki yung wa chah ktah wa kiwi kiwi dang yang.

Ha South Garo Hills kawi ka yung da chah ktah ko, kawi da chah tympra ko, 7 tylli ki mrad wa ri da chah ktah katwa ha South West Garo Hills da em 6072 tylli ki yung wa chah ktah, 161 kiwa chah tympra, 7 tylli ki mrad wa ri wa chah ktah wa 909 Hectare ki thaw rep wei ha North Garo ki yung wa chah ktah da em ki 4 tylli.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha East Khasi Hills da em 1703 tylli ki manyung wa chah ktah katwa kiwa chah tympra won dang yang ya ka bui, ha South West Khasi Hills 4 tylli ki manyung wa chah ktah, 5 tylli ki mrad ri wa 8.5 Hectare ki thaw rep wa chah ktah wei ha West Jaiñtia Hills da em 7 tylli ki mrad ri wa chah ktah.

Hajrong ini, u montri da pyntip u wa ka sorkar jylla dang paan yarap poisa ko na ka chnat kaam pohyung ka sorkar pyrdi T. 116.4 klur wow yarap ya ini wa ktah ki bor ka rymaw katwa T. 46 klur da mang na ka State Disaster Relief Fund (SDRF) da pynlut neibynta i chah ktah.

Da ong u wa manda yoh ya ka yarap na ka sorkar pyrdi, ka sorkar jylla daw pyllait noh ko wut wut ya ka yarap cha kitu kiwa chah ktah.