Shillong: U MLA ka Bharatiya Janata Party (BJP) na South Shillong, u Sanbor Shullai da ong u wa kam uwa mihkhmat, chaniah u ha i rai yong ka Party lada yoobiang ki wow kylliang yaka chuki Montri ha ka sorkar Meghalaya Democratic Alliance (MDA).
Ka sorkar MDA kattu da lai ko cha ka 2 snem chiteiñ kam ka sorkar synrop wa da kyrchaan lang da waroh ki seiñ saiñpyrthai ha ka jylla, laitnoh ka Congress kawa da em ha i liang pyrchah. Ha kani ka sorkar da em i klam katni wow bhah kaam thymme wei wow kylliang ya ki Montri ha ka sorkar katkam i kwah ki Party wa ya krehlang.
Ka BJP kawa kyrchaan ya ka sorkar da em ko 2 ngut ki MLA, u AL Hek uwa man kam u Montri katni wa u Sanbor uwa man kam u Chairman ha ka MTDC. Hawa kylli, u Sanbor da pyntip u wa da em i yaklam ha ka Party hajrong ini i kaam wei neiliang u President da phah u ya ka Report cha kiwa yahkhmat ka Party ha Delhi, tangwa hadooh kattæ ym pu yoh ya iwon iwon i rai, deiwa ong wa lada kiwa yahkhmat yoobiang ki wow chimkti kam u Montri, man u uwa smat wow chimkti wei lada ym yoobiang, hun u wow chong bait kam u MLA.
