U Deputy Chief Minister uwa man leh u Chairman ka West Jaiñtia Hills Regional Committee, u Sniawbhalang Dhar ynne da ong u wa ka sorkar Meghalaya da pynkhreh ko wow klam pynbait pood wei dang yang ya ka sorkar Assam wow thung ya u Chairman ka Committee wei mar dep thung daw ye u chong pynbait.
Heiyatoh wa ki chnong wa haap hapoh Block-I, da ong u wa ki ar liang dang chong ki wow rai khaddooh.
Da ong u wa ka sorkar jylla da man ko kawa da pynkhreh wei daw pynbait ya ki chnong wa dang kajia ya kiwa daw pyrkhat da ki Committee ki ar jylla.
Hajrong i dawa wow rah ya ka Block-I cha Meghalaya, da ong u wa ka Meghalaya dadep ko yei kaamram yong ka wei chisien wa da yoh ya ki bui (Report) daw chong pyrkhat chwa hapoh ka jylla wei i rai daw pyntip cha Assam.
Heiyatoh wa ki chnong ki Pnar wa em i kajia da ong u wa ka yukheiñ em ko ha jar jiar ki District wei ini waroh em ki ha ki DC.
Discussion about this post