Ka Parliamentary Standing Committee on Communications and Information Technology da e por ko ya u CEO ka Meta, u Mark Zuckerberg le sngi wow paan-maap heiyatoh wa i Video wa pyndam ka Facebook iwa klam u Prime Minister Narendra Modi iwa yatoh wa ki khon khynroo ka ri hadien wa mih boon i kulmar ini wa dep hadien ka Paper Leak.
Ka Committee da maham ko leh ya ka Meta wa ye ko u dooh yei hok u yoh yada lada ym pynchitom ya kiwa emkti.
Ini i Video toh iwa da chah pyndam chipor da ka Facebook wei da mih biang i hadien 5-6 kynta wei ka Committee wa khlieh da u MP ka BJP, u Nishikant Dubey, da ong u wa da chimkhia bha hawa jia kamni.
Chooh chooh da ong ko wa lada ka Meta ym pynchitom ko ya kiwa emkti, ye u pyndam ya ka Safe Harbour Clause wei lada ym paan-maap u Mark, ye u yakhun mukotduma pyrchah ya oo.
Kani ka Committee da ong ko wa kini ki rynsan Social Media ya kiwa emkaam ki u pyndam kiwa man ki Child Sexual Abuse Material (CSAM) wa kiwi kiwa ktah ya ki kynthai ym jooh em leh ki deiwa smat.
Kiwa mihkhmat ya ka Meta wa yahkhmat da u Chief Global Affairs Officer, u Joel Kaplan da yachem ki wa u MeitY Secretary, u S. Krishnan ynne iwa da neh 45 minit heiwa kini ki heh ka Meta da pynche ki yei daw wa jia ini kamjooh i bakla wow pyndam ya ka Video u Prime Minister.
Discussion about this post