U Montri Rangbah ka jylla, u Conrad Kongal Sangma uwa man leh u President ka National People’s Party (NPP) da ong u wa ka sorkar daw elaad ko wow em ka takit wa bniah khlem chah pynthut hajrong i chah pynbaad wa slaitbor u MLA ka NPP na North Tura, u Thomas A Sangma ya kawi ka bru.
Da ong u wa ini i pynbaad toh i kaam samen wei lada ym toh man u uwa mihkhmat paidbah ym em ko iyi iyi, deiwa pynrap wa ka sorkar ym ye ko ong ong iyi iyi ya i kaam wa samen, tangwa ka sorkar daw pyntikna ko wa ka aiñ toh u man ko kamjooh ya waroh.
U Thomas Sangma toh uwa ebuit ya u montri rangbah ka jylla wei hajrong ini i pynbaad ka liang pyrchah da dawa ko wow pyndam chwa ya u Thomas kam u dkhot ki Assembly Committee, neiliang u Conrad da ong u wa ym pu biang i por wow chim rai noh tangwa hadien ka takit wa bniah neiliang ka sorkar wa ka Party daw chim ko ya ki rai wa khaddooh.
