Jowai: Hadien wa ki MDC ka Congress da e ki yei kyrchaan ya ka NPP ha ka liang synchaar ha JHADC, neiliang u Moonlight Pariat ynne ka sngi da ieh noh u yei kaam kam u CEM ka Council.
Neiliang u Chairman ka Council ynne ka sngi da pyntip u wa daw pynman noh ya ka dorbar wa kyrpang haka 21 tarik uni u bnai heiyatoh wow pynyoo bor yei boon paaid wow chna ya ka Executive Committee wa thymme hapoh ka Council kamjooh wow jied CEM thymme.
Katkam ka yutip wa yoh na ki MDC kiwa ym kwah wow pynmih pyrtuid, da ong wa u MB Rymbai u MDC ka Sohmynting- Khliehtyrshi uwa jooh man leh kam u CEM warim ka Council daw pachat yei pyrtuid yong oo wow man biang u kam u CEM ka Council.
Chooh chooh da ong wa hadooh katni (wa pynmih ya kani ka khubor) ym em de da kiwi tawon ki pyrtuid wa da tyrwa wow man kam u CEM hapoh ka Council.
Discussion about this post