Hadien wa pynbna ka North East Petroleum Mazdoor Union (NEPMU) wow dam u wan kit phñiang ki kari yong ki chapoh ka Meghalaya nadooh ka 29 tarik uni u bnai deiwa pynbaad wa chah pynchitom wei chah pyndik ha ki pulit ka Meghalaya hapoh ka Ri-Bhoi District, neiliang u Montri wa pait ya ka chnat Food, Civil Supply and Consumer Affairs, u Comingone Ymbon da ong u wa ki paidbah ymtoh u khuslai ki neidaw wa biang Stock hi i Petrol hapoh ka jylla.
Hawa yaklam wa kiwa thoh khubor ynne, u Coming da ong u wa da khut u wow yaklam wa kiwa mihkhmat ka NEPMU mynstep ha Nongpoh Circuit House heipor 12:00 waje pyrdi sngi.
“Ham hær rngu”, ong u Coming ya ki paidbah neibhah ki Petrol Pump kattæ dang biang i phñiang wa da booh chwa ki wei iwa dang ye u neh hadooh 3 sngi deiwa yooluti u wa kat ha itæ i por da ye wow pynbait ya ini i kaam.
Heijooh i por da ong u wa lada jia wa duna phñiang, daw phah ya ki Deputy Commissioner yong waroh ki District wow sdang khang hadooh katwon wa ye u dai phñiang cha ki bru yow pyntikna wa waroh yoh bhah lang.
Kamtæ da ong u wa ya kattæ chooh ym emkaam u khuslai neibhah wa dap hi i phñiang wei daw pynbait ya ini i kaam pyn mynstep tangwa ha kani ka yalang ym lait u wow emlang tangwa daw embynta noh da u Commissioner Secretary.
Discussion about this post