Daw booh ka NPYF da ki Help Desk yow yarap ya kiwa yaleh ya ka CM Scholarship Scheme

by Wyrta Staff

March 8, 2025

Reading Time: 2 mins read

Ka National People’s Youth Front (NPYF) kawa man ka chnat khynroo ka NPP, da pynbna ko wa daw booh da ka Help Desk yow yarap ya kitu kiwa kwah wow yaleh ya ka Chief Minister’s Scholarship Scheme kawa dang dep pynbna ha kani ka dorbar mang tyngka.

Neiliang u NPYF State President, u Wailadmiki Shylla da ong u wa kani ka Help Desk daw booh nyngkong ha Shillong wei daw pynbood won sa ha Jaiñtia Hills wa Garo Hills.

Da pyntip u wa yeini daw pynbna bniah hadien wa dadep u pynkhreh lut ya waroh deiwa e yaroh u le ya u Montri Rangbah yeiwa wanrah ya kani ka Scholarship Scheme wa thymme.

Da ong u wa lyngba kani ka Scholarship daw yoh myntoi 80,000 ngut ki khynroo khyllood kiwa da pyndep ya ka Matric yow yarap ya ki u lai puræ chakhmat deiwa e ₹6,000 chi snem.