Ka KJP Synod Sepngi kawa 23 kawa daw man ha ka Balang Presbyterian Sakwang, South West Khasi Hills District, daw pynkut ka ha ka 9 tarik uni u bnai, kamtæ neiliang ka yung krehkaam u SP ka South West Khasi Hills District da pynbna u yei rukom lai kari yow lait nei sahkut wei yow suk leh ka lai ka wan.
Kiwa wan neiliang Shillong wa Umoid hap ki wow lai na Jakrem-Lad Sakwang-ITI Office Sakwang wei u pynyieñ kari ki ha madanbol ka Mawmyriong wa kiwi de ki thaw.
Kiwa wan na ki thaaiñ Ranikor hap ki wow lai lyngba ka Rangthong-Nonglang-Mawkyrwat-Lad District Court-Pynden Sakwang wei wow pynyieñ kari ki ha Pyndenbah (Pynden Sakwang) Football Ground Pynden Sakwang wa kiwi kiwi.
Kiwa wan na Nongstoiñ, Lawbyrtun wa Nongshilong hap ki wow lai na Pyndenmawthawiang-Jashiar-Sakwang wei wow pynyieñ kari kam ki Sumo, Pickup wa kiwi ki kari khian ha Pynden Sakwang wa kiwi kiwi katwa ki Bus wa ki Truck ha Sakwang.
Kiwa wan na Phlangkynshi wa Mawkohpet hap ki wow lai luti na Rangmaw-Lad Rangmaw-Pyndenumdoh wei wow pynyieñ kari ki ha Pyndenumdoh wa kiwi kiwi.
Da kyrpaad ya kiwa yah kari wow sñiawbha ki wow kohngooh yeiwa da kdaw wei yei rukom pynlai kari ki pulit kamjooh ki Volunteer.
Kiwa yah kari ymtoh u pynhær ki, ymtoh wow pynyieñ kari kulmar ha rood sarok wei manda psiah hapoh ka thaaiñ Mawkyrwat ymtoh wow yaknieh u lai chakhmat.
Lada em iwon iwon i emkhaam jhan ye wow Phone cha ka Police Control Room ha u Number-8415886486.
Discussion about this post