15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Daw Boycott kiwa sikai ka NEHU yaka Convocation neidaw wym hun yei krehkaam u VC

0 Comments

Shillong: Kiwa sikai ka North-Eastern Hills University hapoh ka lama yong ka NEHU Teachers’ Association (NEHUTA) ynne ka sngi da pynman ki yaka yakhih wa jai jai wow pynsñiaw yei pyrchah ya i wym mano u Vice Chancellor, S.K. Srivastava wow pynman kaam ya i dawa kiwa yatoh wa ka bha ka miat kiwa sikai ha katai ka skurbah.

Kiwa sikai ka NEHU da pynman ki ya kani ka yakhih deiwa rah ya ki Placard hakhmat ka Multi-Purpose Hall, ka thaw wa thmu wow pynman ya ka yalang ka University Court.

Advertisement ad1

U General Secretary ka NEHUTA, u MM Khymdeit da ong wa kani ka yakhih wa jai jai toh wa kwah ki wow phah ya ka khubor wa kiwa sikai ym sñiawsuk ki ya kani ka rukom krehkaam u Vice Chancellor wa katni.

Katkam i ong u Khymdeit, u Vice Chancellor ym em e u yaka Annual Grant cha kiwa sikai kawa dang shateiñ, kawa da pynman ya ki wow hap u sangeh lai chimbynta ha ka Convocation neidaw wa u VC u ym em khut u yaka yalang ka University Court, deiwa pynrap leh wa u Vice Chancellor da pynbaad wei da pynbna u wa kiwa sikai ki thmu ki wow pynboodnaam ya kani ka thaw puræ.

U Khymdeit da pynbaad u leh wa u VC da phah u yaka Annual report, ka Audit wa ya ka Account yong ka University cha Parliament deiwa lai lait ya ka University Court.

Da pynbaad chooh chooh wa waroh chi kattu ki snem, u VC ym em leh u iyi iyi wei ym em khut u yaka yalang yong ka Board of Research Studies wow pait ya waroh ki Research hapoh ka University wei kani ka yalang man ko kawa emkaam wow pynman man u snem.

Previous
Next

0 Comments

Leave a Reply