U Montri Rangbah ka jylla, u Conrad K Sangma da ong u wa ka jylla dang pynkhreh ko wa ki MLA u yaklam noh da ka ktien Khasi wa Garo hapoh ka Yung Dorbar Chna Aiñ yong ka jylla. Da ong wa neibynta ini da yaklam leh wa kiwa boon kiwa yahkhmat wei kamjooh u yaklam boonsien wa u Lamphang yong ka yung dorbar.
U Conrad da ong u ya ini hawa jubab ya uwi uwa thoh khubor uwa da kylli hajrong i wym klam ya ki ktien yong idæ ha ka rukom kawa toh da ki paidbah wa wot ki MLA, hanla ka jylla da em ko ya ka Meghalaya State Language Act.
U Montri Rangbah da ong u wa da toh i por wow chah noh u klam ya i ktien Khasi wa Garo hapoh ka yung dorbar la kammon kammon ka yaklam hapoh ka yung dorbar lait noh ha ka kynta kylli wei jubab, ya kiwi ki bynta daw pyrchang noh wow klam da ka ktien Khasi wa Garo.
Da khana u wa ya kani ka phang da pynkhreh wei i pynbait da lai ko chakhmat wei da pynsñiaw u yei yooluti wa daw ye wow pynkrehkkam noh rap smat, wei lada ye pyn ha kani ka dorbar synrai ka daw man ha uni u snem.
