15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ujor ka Miani Shira pyrchah ya u James wa ka Agatha Sangma

0 Comments

Jowai: Ka kyrtong ka Congress ka Miani Shira kawa man leh ka khon u Dr. Mukul Sangma ynne ka sngi da ujor ha u OC ka Ampati Police Station pyrchah ya u montri ka kaam pohyung ka jylla, u James Sangma wa ya ka MLA ka South Tura ka Agatha Sangma wa tyngkheiñ ki ya ka Election Code of Conduct wei i pynemkaam bakla yei bor yong ki.

Ha ka ujor da ong wa ka Agatha wa u James da poi ki ha i chnong Taktaki heipor 12:30 pyrdisyngaw ynne ka sngi wei da psiah ki cha ki yung ki bru wei da saam poisa ki yow yoh yei kyrchaan ya u kyrtong ka NPP.

Hadien wa tip kiwa kreh ka Party Congress yeini da mih ki wow khang ya u James wa ya ka Agatha tangwa u James da pynemkaam u da ki pulit wa bood ya oo wow ksoh ya kini kiwa kreh Congress kamjooh ki kari yong ki.

Ka Miani da ong ko leh wa u James da phah kynreh u leh ya kini ki kari wei ym em chem ki iyi iyi leh tangwa hadien won booh ki da ka wait kawa sai pyn napoh ka kari ki NPP wei da chondur ki ya kani ka wait.

Da ong ko leh wa kani ka wait da chondur napoh kawi ka kari Bolero katwa ka kari wa wan kiwa kreh ka Congress toh ka Scorpio.

U kurim ka Miani hadien wa poi u ha kani ka thaw da phah u ya ki Magistrate wow chim ya ki Fingerprint na kani ka wait tangwa ka Agatha won da ong ko wa ym em yumut de neibhah kiwa kreh ka NPP leh da dep tba ki ka heipor wa pait bniah ki ya kani ka wait. Heiwa ka Miani da ong ko wa ini pynyoo wa kiwa kreh ka NPP wa booh ya kani ka wait hapoh kari.

Neiliang ka Agatha won da ong ko wa kiwa kreh Congress da boodien ki ki tangwa ka Miani won da ong ko ym ye u man neibhah ki kari wa chah pynsangheh toh em ki mar dei pyrchah.

Share this:
Previous

Yaphær i sñiaw ka JHADC wa ka sorkar jylla: Satyendra Garg

Next

Daw chah pynchitom lada pynyoo paidbah ya kiwon kiwon ki Film namo Video khlem yoh ya ka Film Certification

0 Comments

Leave a Reply