theme-sticky-logo-alt
theme-logo-alt
Advertisement ad1
Advertisement ad1

Daw chim rai khaddooh ka sorkar yei dawa ka HPC wow e thaw da iwa yoh ki u mantre

Advertisement ad1
Advertisement ad1
Advertisement ad1

U Symbood Montri Rangbah ka jylla uwa man leh u Chairman ka High Level Committee (HLC), u Prestone Tynsong da ong u wa ka sorkar da mynjur ko ya i dawa ka Harijan Panchayat Committee wow yoh da iwi i thaw wow sah ki 342 tylli ki manyung kiwa em ha Them Ïewmawlong, wei da phah ya ka chnat pynroi sor wow pynkhreh yeiwa emkaam wei ya i rai wa khaddooh daw chim ha ka yalang ka wow man ha ka tayaw wa ar yong u bbai wow wan.

Ka sorkar wa ka Harijan Panchayat Committee (HPC) da chong ki ya ka yalang wa ar ynne ka 25 tarik, hadien wa ka High Court ka Meghalaya da phah ko ya waroh ki ar liang wow pynbait noh ya ini i kaam.

Advertisement ad1

U Prestone da ong u wa ka HPC da mynjur ko wow kyrriah noh ya ki bru na Them Ïewmawlong, tangwa da booh ko leh ki kattu katni ki dawa wei iwi na kini toh wa ka sorkar u pynkhreh ko ya i pynwandur (Blueprint) wei hadien u pyntip won ya ki, heiwa daw em biang i yachem wow chim ya i rai wa khaddooh.

Hawa kylli, u Prestone da pyntip u wa iwi na ki dawa toh wow yoh ya i thaw wa ki 342 tylli ki manyung u sah ki, wei iwi won toh wow mantre bait ki ya kini ki yung.

Da ong u wa ka sorkar da pait ko ya 2-3 tylli ki thaw wei daw rai ko hadien wa dadep pait ka chnat pynroi sor.

Share this:
Previous

Ka thaw noh jhep ka Jowai toh i bahkhlieh yong waroh lang: Comingone

Next

Ym em de kheiñ Congress ya ki 5 ngut ki MLA, da dep wow pynbna kyrtong da kiwi: Vincent Pala