theme-sticky-logo-alt
theme-logo-alt

Ym em de kheiñ Congress ya ki 5 ngut ki MLA, da dep wow pynbna kyrtong da kiwi: Vincent Pala

U President ka Meghalaya Pradesh Congress Committee (MPCC), u Vincent Pala da ong u wa iyi wa daw rai ka All India Congress Committee iwa daw chim pyrchah ya ki 5 ngut ki MLA wa leh tam, ka MPCC ym tip ko, tangwa ka Party ha ka jylla da lai ko chakhmat wym tipmit de ya 5 ngut ki MLA.

Da ong u wa ka MPCC da chim ko wa ki 5 ngut ki MLA wa da chah beh chipor (Suspend) na ka Party ym toh de ki yong ka Congress, wei da khana u wa ka Party da pynbna ko leh ya ki kyrtong ha ki Constituency yong ki 5 ngut ki MLA.

Ki 5 ngut ki MLA yong ka Congress ha ka 8 tarik u Thohlakhmi (Feb) uni u snem da lai e chithi ki ha u Montri Rangbah ka jylla yow pynsñiaw yei kyrchaan wa pura ya ka sorkar Meghalaya Democratic Alliance (MDA) wa yahkhmat da ka NPP wei da emlang leh ka BJP najrong kiwi ki seiñ saiñpyrthai wa ki MLA khlem seiñ.

Hawa kylli ynne ka sngi, u Pala da ong u wa ki 5 ngut ki MLA wa da chah Suspend na ka Party ym em da jubab ki yei paan pynche ka Party, wei neiliang ka Party da pyntip ko leh cha Delhi kawa em ya ka Disciplinary Action Committee, wei ye u man wa ha ki ar tayaw wow wan daw chim ya ka rai.

Katkam wa pyntip u Vincent Pala, ka AICC dadep pyndam ko leh yei man yahkhmat CLP yong ka MLA na East Shillong, ka Ampareen Lyngdoh.

Ki 5 ngut ki MLA kiwa da chah beh man dkhot chipor na ka seiñ Congress kynthup ki ya u Mahendro Rapsang MLA ka West Shillong, u Mayralborn Syiem MLA ka Nongpoh, ka Ampareen Lyngdoh MLA na East Shillong, u PT Sawkmie MLA ka Mawlai wa u Kimfa S Marbaniang uwa man u MLA ka Rambrai-Jyrngam.

Share this:
Previous

Daw chim rai khaddooh ka sorkar yei dawa ka HPC wow e thaw da iwa yoh ki u mantre

Next

Wa jhan i pynbait pood toh wow yohnong ki heh spah wa thied ya ka Hotel ha Khanapara: Vincent