U Montri Rangbah ka jylla, u Conrad Kongal Sangma da ong u wa ka sorkar MDA jooh yoh ko T. 50-60 klur na ka dan (Cess) na ki mar pohkhyndaw ha ka chisnem, wei kani ka dan da jooh pynemkaam du neibynta i puræ puthi.
Da ong u wa nachwa ya kani ka dan ym em u pynemkaam neibynta i puræ puthi, tangwa hadien wa wan ka sorkar MDA ya kani ka dan da pynemkaam cha i puræ puthi, wei kani ka poisa da ye wow chna ya ki yung skur Lower Primary 50 tylli kiwa da dep wow wai dang ini i por wa dadep, wei sa 50 tylli ki yung skur daw wai chwa wow kut uni u bnai.
Heiyatoh wa i wym pu yoh ki khynnah puræ ya ka Scholarship, u Montri Rangbah da ong u wa daw hap thooh bniah kammon i kaam lai i, tangwa da ong u wa da pyntip ya oo wa daw chimpor sa kamwa 4-5 sngi wei ka sorkar daw pyrchang ko wow pynlait noh rap smat.
