Ka sorkar pyrdi da mynjur ko yei chna sa 266 tylli ki Anganwadi Center neibynta i bha i miat ka imlang sahlang ka Meghalaya.
Chooh chooh ki 1266 tylli ki Anganwadi Mini Center daw pynu kyrdan ki yow man kam ki Main Center wei yeini da pyntip da u Paul Lyngdoh, Montri ka chnat Social Welfare ynne deiwa khana u leh wa i kreh toh iwa daw sdang noh mar ya kut u slap.
Yow chna ya kini ki Anganwadi Centre, ka sorkar pyrdi daw kyrchaan poisa ko 90% katwa ka sorkar jylla won u pynlut ko 10%.
U Paul da pyntip u leh wa kini ki Centre kiwa daw pynku kyrdan daw em ki ar ngut kiwa kreh wa ar ngut kiwa yarap ya ki.
Ha iwi won i liang, da pyntip leh wa daw pynku noh ya ka nong kiwa kreh naka Rs 3,500 cha ka Rs. 4,500 chi bnai.
Yow chna ya kini waroh da antaad wa i lut u poi i Rs. 826.38 lak heiwa na kani, ka sorkar pyrdi u e ko Rs. 743.74 lak.
Deiwa em kini ki 266 tylli ki Anganwadi Center wa thymme daw thung leh ya kiwa kreh 266 ngut kam kiwa kreh Anganwadi wa 266 ngut kiwa yarap iwa daw yarap bha wow pyndap yeiwa emkaam ki paidbah.
Discussion about this post