U Montri ka chnat Arts and Culture ka sorkar jylla, u Sanbor Shullai ynne da lai pait u ya ka District Library ha Jowai ryngkat wa u MLA ka thaaiñ uwa man leh u Montri ka sorkar jylla, u Wailadmiki Shylla wow sakhi yei man i long wei i emkaam ha kani ka Auditorium.
Hadien ini, u Montri da kubur u wa ini i thaw iwa jooh pynman ya ki yalang wa har rukom da toh u yoh noh deiwa thymme wei deiwa skem neibhah katkam wa ong u Librarian ini i yung ym chngaaiñ de i wei neiliang ka chnat daw pynkhreh ko wow chna noh deiwa thymme neibynta wow myntoi ki paidbah.
Neiliang u Wailadmiki da ong u wa katkam wa khana u District Librarian da pyntip u wa i yung ym skem de i wei da kyntu u ya u Montri wa wan pait wow pynyoh noh da ka District Auditorium kawa rap paka.
U Wailadmiki da ong u leh wa i kwah yong ki wow yoh ya ka Auditorium wa paka toh neidaw wa ha kani ka thaaiñ ki yalehke Drama toh wa ka’it ki bru wow leh dei yooluti wa i wan u Montri daw yoh ya i thaw paitke wa paka.
Discussion about this post