Daw chna noh ya ka Tagore Cultural Complex ha Rilbong, Shillong

U Montri ka chnat Arts and Culture, u Paul Lyngdoh ynne da booh mooyurim u yow chna ya ka Tagore Cultural Complex ha Rilbong, Shillong hei emlang u Sanbor Shullai, MLA wa Chairman ka MTDC, u F.R. Kharkongor, Commissioner & Secretary, Arts and Culture Department wa kiwi kiwi.

U Paul Lyngdoh hawa e yei klam da ong u wa ynne dap chi snem ka sorkar MDA-II wei ini i yung toh i e sñiawbha ya ki paidbah ka jylla.  

Da ong u wa ka Shillong ym man ko du ka sor tangwa ka thaw wa kyrpang wa em i stat i tip, kawa em ka parom wa ki Bengali wa pawnaam nadooh u Gurudev Tagore wa u Netaji Subhas Chandra Bose.

Da sñiaw sarong u wa ka Shillong em ko ya ki bru wa em sap hanla man ko ka sorkar wa khian tangwa pynmih ko ya ki bru chemphang wa har rukom. Da ong u wa ka sorkar kwah ko wa kani ka Cultural Complex u pynmih ko ya ki bru kam u Tagore wei wow em i yajan yatoh hapyrdi ka Shillong, Dhaka wa ka West Bengal.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Deiwa klam ya ki kyntien u Gurudev, u Paul da ong u wa emkaam u man kiwa chynna jngai deiwa kyntu ya ka imlang sahlang wow pathai wa ka Shillong man ko kawa mahajon  khamtam nei em kani ka Tagore Cultural Complex. 

Kani ka yung daw em ko leh i thaw wow kynmoo ya u Tagore kamjooh ka palong kawa jooh thiah u.