theme-sticky-logo-alt
theme-logo-alt

Daw chna noh ya ka yung krehkaam wa thymme ka Bajengdoba C&RD Block 

U Monrti Rangbah ka jylla, u Conrad K. Sangma ynne da booh mooyurim u wow chna ya ka yung krehkaam wa thymme ka Bajengdoba C&RD Block hei emlang u Dy. Speaker, u Timothy D. Shira wa kiwi kiwi ha Bajengdoba, North Garo Hills.

Ha kani ka sngi da ong u wa kani ka sorkar wa katni kwah ko wow wanrah ya ki kaam pynroi liang wanang ha ka jylla, wei i chna ya kani ka yung krehkaam wa thymme toh i dak yong i kaamram ka sorkar wow pynyajan ya i synchaar wa ki paidbah. Da pyntip u leh wa ka sorkar da mang ko T. 121 klur wow chna ya ki yung krehkaam wa thymme ha ki 46 tylli ki Block ka jylla. 

Da ngait skem u leh wa kani ka yung manda chna ya ka daw wanrah ko ya i rukom krehkaam wa thymme wow ye u e i chakri wa janai ya ki paidbah ka thaaiñ Bajengdoba. 

U Conrad da pynbna u leh wa ka sorkar daw chimkhia noh ko yei dawa wa da sahteiñ da ki boon snem wa ka Bajengdoba PHC u pynku kyrdan noh ya ka kam ka CHC. 

Chwa ini u Conrad da sylli u leh ya i kreh ya ki sarok PWD wa ka Hamilton Sangma Stadium ha Bakenang Nalsa, Bajengdoba.

Share this:
Previous

Yaklam ka KSU wa u Lahkmen yow lait u doohnong ki khynnah manda pynkrehkaam ya ka CUET

Next

Chong kyllaiñmyngngor kiwa sikai Adhoc ha Amlarem