Wow pynmiat ya u sarok wei wow pynsuk ya i lai i wan ki paidbah ha Sohra Sub-Division, ynne ka sngi u symbood montri rangbah ka jylla u Prestone Tynsong, da booh mooyurim u yow pynmiat pynyillih (Riding Quality and Sealing of Distressed Pavement) ya u sarok Shillong-Sohra Road na 22 Km hadooh 53 Km hapoh ka Systematic Maintenance Programme ha Mawkdok.
Ha kani ka sngi da emlang u MLA ka Sohra, u Gavin M. Mylliem, u MLA ka Shella, u Balajied K. Synrem, u T.G. Nengnong, Secretary, PWD (Roads and Building), u A.S. Mukhim, SDO (Civil), Sohra Civil Sub-Division, u L.D. Suchiang, Chief Engineer, PWD (Roads), u Freeman Syiem, Syiem ka Hima Sohra wa kiwi kiwi.
Kani ka Scheme “Improvement of Riding Quality and Sealing of Distressed Pavement of Shillong-Sohra Road” da kynthup ha ka Budget 2020-2021 yong ka sorkar Meghalaya hapoh ka ‘Systematic Maintenance Programme (SMP)’ wa da pynkrehlaam da ka chnat PWD wow chna pynmiat ya ki sarok.
I kreh ya ka Project na Umtyngngar hadooh ha Sohra toh T. 12 klur wei hapoh ka Scheme da kynthup i kreh wow siang psiang na Umtyngar cha Mawsmai deiwa pynemkaam da ka Semi Dense Bituminous Macadam (SDBC).
Ya u sarok Umtyngar-Sohra da chna pynmiat khaddooh lyngba ka Special Plan Assistance (SPA) Scheme ha u 2013 wei nadooh itu i por da sih da jæd bha ki boon ki bynta u sarok.
U Prestone Tynsong hawa e yei klam da ong u wa ka Mawkdok, toh kawi na ki thaw wa da naam bha ha Meghalaya wei ka sorkar yaleh ko wow wanrah ya ki kaam pynroi liang wanang khamtam ha ki sarok.
Da pyntip u leh wa da tyrwa ya ka sorkar wow pynkylla ya u sarok Umtyngar Bholaganj kam u sarokbah namo National Highway wei ka sorkar dang puræ bniah ko yeini.
Kiwi kiwa da klam ha kani ka sngi toh u Gavin M. Mylliem, u Balajied K. Synrem, u T. G. Nengnong wa kiwi kiwi.
