15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Daw chna ya ka Pre-fab Hospital wa 50 pyllong ha Jowai: Conrad

Ynne ka sngi u montri rangbah ka jylla u Conrad Sangma da pyntip u wa ka sorkar daw chna ko ya ka Pre-fab Hospital ha Jowai kawa 50 pyllong wow yarap yakhun ya kani ka khlam lada jia wa emkaam hadien habood.

Da ong u leh wa ya kani ka Hospital daw ye leh u pynkrehkaam kam ka thaw sumaar ya ki khynnah neibhah ymtip kammon kani ka khlam u ktah ko ya ki khynnah hadien.   

Chooh chooh da ong u wa kani ka Hospital daw sariem ko wa kiwa dang chna ha Tura wa ha Shillong wei ya i thaw wow chna ya ka daw rai ha kini ki sngi wow wan. 

Hawa kylli yei man i long ka MCH Jowai manda chna ya kani ka Hospital wa 50 pyllong, u Conrad da pynche u wa kani ka thaw sumaar u man ko kam ka thaw sumaar COVID-19 wei lada jia wa emkaam daw ye leh u pynkreh ya ka kam ka thaw sumaar ya ki khynnah. 

Heijooh i por da pynche u leh deiwa ong wa ini man i kam i pynkhreh donhi neibhah lada jia wa wan ka khlam ha ka sien kawa le wei lada emkaam daw ye wow sumaar ya kiwi ki jait kjut leh.

Chooh chooh u Conrad da ong u wa ka West Jaiñtia toh kawa da wan ki bru chakhmat wow chim ya i tika yada COVID-19 deiwa pynchlur u wow wan chooh chooh deiwa ong leh wa boon ki bru wa chah ktah toh kiwa khlem chim ya i tika wot chisien leh. 

Da ong u wa i wan chim ya i tika man i iwa chngaaiñ wei iwa miat dooh neibhah da sakhi wa kiwa chim tika da yoh yada bha ki na kani ka khlam kamtæ da kyntu u ya ki paidbah wow wan ki chaphrang wow chim ya ini i tika. 

Share this:
Previous

Hapoh 72 kynta da pynkrehkaam ya ka Oxygen Plant ha Jowai, ha Khliehriat sa 10 sngi: Conrad

Next

Lada pynboon ya ki thaw leh RT-PCR duna won ki bru wa ye u pynemkaam ki: Conrad