15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lada pynboon ya ki thaw leh RT-PCR duna won ki bru wa ye u pynemkaam ki: Conrad

Ha kani ka tayaw wa dadep ki 7 ngut ki MLA ka Ri-loom Jaiñtia da rai ki wow rah ha ka sorkar jylla wow booh ya ka Laboratory RT-PCR neibynta wow Test COVID-19 neibhah wa da kam ki wa i daw wa slem u yoh ya ka Report da pynchitom i ya ki paidbah wei iwa ye leh wow pynpoor chooh chooh ya ka khlam COVID-19. 

Ynne ka sngi heiyatoh wa kani ka phang, neiliang u montri rangbah ka jylla, u Conrad Sangma da ong u wa ka sorkar da booh thong ko wa lada booh ya ka Laboratory ha iwon iwon i thaw tangwa ya ka COVID-19 Report toh u e hapoh 24 kynta nadooh wa chim ya ka nongmuna (Sample). 

Chooh chooh da ong u wa da em ka dhab (Team) ka wow pyntikna wa hadien wa chim ya ka nongmuna emkaam wow yoh ya ka report ka RT-PCR Test hapoh 24 kynta. 

U Conrad da ong u leh wa ye u chna ya ka Laboratory tangwa emkaam ya u MD Microbiology wa pura u wow pait ya kani ka Laboratory wei chem chitom katni toh wa duna ki Microbiologist hapoh ka jylla. 

Da ong u leh wa hanla kattæ leh da phah ya ka NHM wa ka chnat i chait i khiah wow thooh laad kammon wow leh yeiwa emkaam neibhah i em ka Laboratory ym man i du neibynta u COVID-19 tangwa neibynta kiwi ki jait khñiang kjut leh kamjooh hadien habood.

Da pynkut u leh deiwa ong wa ha ka ri hi waroh kawi duna ki Microbiologist tangwa hanla kattæ leh dang thooh ki laad ki kammon wow pynbait yeiwa emkaam. 

Share this:
Previous

Daw chna ya ka Pre-fab Hospital wa 50 pyllong ha Jowai: Conrad

Next

I duna ki Doctor Specialist toh ha ka jylla hi waroh kawi: Conrad