Ynne ka sngi u Deputy Chief Minister ka jylla, u Sñiawbhalang Dhar da ong u wa ka sorkar wa katni da leh ko chiboon ki kaam pynroi heiwa dang ini wadep da pynlait hadooh Rs. 55 klur neibynta ki sarok hapoh ka Jowai Constituency.
Ya ini da pyntip u ha ka yalang pynhaap pyrda ya ka lehkmen dap 50 snem ka Mukhla Raij UP School.
Da ong u leh wa daw chna ya ka Sports Complex ha Mukhla wei ym man ko kam kawa ha Wahiajer tangwa kawa rap hapoh yong ka wei ynnin dadep wan pait u yei thaw wa em hapoh ka Raij Mukhla.
Chooh chooh da ong u wa ympu khana u kammon u man kani ka Complex tangwa ha ki san snem daw yoo ki wei kwah u wa u Wailadmiki Shylla u jop boonsien chooh u kam u MLA.
Heiyatoh wa i chna kynroh ya ka Madan Thad, da pyntip u wa da yoh poisa wow kynroh chiteiñ donhi wei kawa sah daw pyndep u ki deiwa sai poisa na kata yong oo hi.
Heijooh i por da ong u wa ka Tourism Complex kawa em hajan ka nan Thadlaskein daw man ko kawa thymme katkam ka juk wa katni wei ya i buit i budia da khana u ya ki waheh ka Raij.
Discussion about this post