Khliehriat: U Deputy Commissioner, East Jaiñtia Hills District da pyntip paidbah u wa kam chibynta wow yakhun yei chah paitkhmat weichah yoobeiñ khamtam heiyatoh wa u COVID- 19, wei wow pynche paidbah wei wow pynsuk wow booddien namo ka Contact Tracing ha waroh ki chnong wei wow pynwiar yei tieñ næ paitkhmat (Xenophobia) ya kiwi tawon neidaw uni u khñiang, da chna noh ya ka Village COVID-19 Management Committee ha waroh ki chnong.
Kani ka Committee u kynthup ko ya u Waheh Chnong kam u chongknor (Chairman), u Secretary chnong kam u Member Secretary, daw em leh kiwi ki dkhot ki wow kynthup ya ki ANM, ASHA, ANGANWADI, 2 ngut ki chynrang wa kynthai na ka chnong, ki bru waheh ki yungmane wa ki dkhot ki seiñbhalang wa daw jied da ki bor ka chnong.
I thong kani ka Committee toh wow kreh chirrup wow khang yei poor uni u khñiang, wow pynche pynsñiawthooh ya ki paidbah, wow pynchlur yei jngai iwi na iwi wei wow man kiwa lehkhooid, u pynsñiawthooh ya ki chnong hajrong i chong kset ha yung namo Home Quarantine wa ki Control Room, wow pynsñiawthooh ya ki kaamram yong ki bru samen, wow pait ya ki thaw wa ye u chah ktah, wow tip ya ki dak ki chin, wow khang yei paitkhmat wei yoobeiñ, wow chna ya ki Contact Tracing Team ha ki chnong, wow tip ya kiwa pynyoo dak wei wow booh ki kyndon krehkaam kammon wow leh lada em kiwa yoh ya uni u khñiang, wa kiwi kiwi.
Discussion about this post