15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Daw e ki paidbah yei sneiñ yaki MLA ha u 2023 lada ym pynyoh ILP: CoMSO

Advertisement ad1

Shillong: Ka Confederation of Meghalaya Social Organisation (CoMSO) da pynsawa joor biang ko ya i dawa Inner Line Permit (ILP) ynne ka sngi ka 19 tarik kawa man ka sngi dap chi snem i mynjur ya ka rai (Resolution) da ka yung dorbar chna aiñ ka jylla wow pynkrehkaam noh ya ka ILP ha kani ka jylla.

Ka CoMSO kam ka dak wow pyrchah wow beiñ yei wym bna ka sorkar India hajrong i dawa yong ka jylla wow pynkrehkaam ya ka ILP, da pynman da ka yalang ha nongbah Shillong kam ka dak wow pyrchah yeini wym chimkhia ka sorkar, wot hadien chi snem wa da mynjur da ka yung dorbar chna aiñ ka jylla.

I sur yong ka CoMSO kawa mih toh lada kini ki 60 ngut ym ye ki wow pynyoh ya ka ILP kiwa dang man mutlop, ki paidbah daw e ki yei sneiñ ya kiwa mihkhmat ha u snem 2023.

Ka CoMSO da kynthær ko leh ya u MLA ka Congress na North Karimganj, Assam uwa da wan wow muchlia wow dawa na ka sorkar Meghalaya wym toh u pynkrehkaam ya ka ILP. 

Share this:
Previous

Yahkhmat ka Thadsning wow pynkreh hok ya ka Scheme chna yung PMAY-G hapoh Laskein C&RD Block

Next

32 ngut kiwa dang yoh wa 61 ngut kiwa dang chait na u COVID-19 ha Meghalaya