15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yahkhmat ka Thadsning wow pynkreh hok ya ka Scheme chna yung PMAY-G hapoh Laskein C&RD Block

Advertisement ad1

Ynne ka sngi ka yung krehkaam u BDO ka Laskein C&RD Block dei mynsien wa sñiawkmen da pynkupburom ko ya ki 35 ngut (34 ngut ki manbei wa 1 manpa) na ka chnong Thadsning, West Jaiñtia Hills kiwa da pyndep hok ya ka scheme PMAY-G namo ka scheme chna yung. 

Ya kini ki yung da chna lyngba i yoh yarap poisa na ka Scheme ka sorkar pyrdi ya kawa da tip kam ka PMAY-G heiwa da e T. 1.30 lak cha kiwa yoh myntoi wow chna ya i yung chirup wa ka nongsngi kawa 95 sngi na ka MGNREGS iwa kynjoh T. 19,285.

Ha kani ka sngi pynkup burom da em ka yalang wa pynlai da ka Aromatic Suchiang kawa man ka APO (MNREGA), Laskein Block. 

Neiliang u BDO ka Laskein Block, u Dr. B.S. Langbang hawa e yei klam da ong u wa i poi hadooh kani ka thong toh nei em i yatylli wa i krehkaam chirup nadooh kiwa yoh myntoi (Beneficiary), kiwa kitkaam chnong, ki VEC wa ki wakreh na ka Block. 

Da ong u wa ha Thadsning i pynkrehkaam hok ya kani ka Scheme daw man ko kam ka nongmuna ya kiwi ki chnong kiwa pynkrehkaam ya kani ka Scheme deiwa kyntu u leh ya ki wow pynneh ya ini i yatylli khnang wa neini chaphrang daw pynchlur ko leh ya ki wakreh ki chnat sorkar khamtam na ka Block. 

Ki yung wa da chna da chna pynwandur ya ki ha i jooh i rukom (Design). 

U Titus Sajem uwa man kam u Secretary ka VEC da ong u wa heipor wa sdang da em i artatien boi ymye u pyndep ya ki kreh hapoh i por wa da booh tangwa ynne da dap u dei mynsien wa sñiawkmen wow yoo wa da em i kreh iwa yatylli nadooh kiwa chong chnong, ki mistri wa kiwi kiwi. 

Neiliang u kongsan, u ADC ka West Jaiñtia Hills, u PK Boro uwa man leh kam u Project Director ka DRDA hapoh ka District hawa e yei klam da ekhublei u ya waroh kiwa da chna pyndep ya ki yung PMAY-G yong ki wei ini daw e mynsien i ya ki wakreh ka Block kamjooh kiwi kiwa yohmyntoi kiwa na kiwi ki chnong. 

Da kyntu u leh ya waroh ki khon ka chnong wow pynkrehkaam hok ya ki Scheme ki Project ka sorkar pyrdi wow wanrah ya ki kaam pynroi ha ki thaw palatsor ka ri. 

U Boro da khana u leh ya ka parom wa tbian hajrong ka MNREGA heiwa lyngba yong ka da man ko kam i kyrkhu ya ki paidbah wow wanrah ya i kylla wei kini ki luti ki syngkieñ da mantre ya ki pyn da ki paidbah ka chnong kiwa da kreh ya ki. 

Chooh chooh da pyntip u wa da kyntu ya ki BDO wow phah ya ki pyrtuid cha ki chnat sorkar waphær waphær khnang wow yoh myntoi ki ha kiwa boon ki liang nadooh ki paikhana, ka bordiñ wa kiwi kiwi. 

U Boro da pyntip u leh wa ha u snem 2019-20 na ka Scheme PMAY hapoh ka Laskein Block da yoh ko 600 tylli wei dei kreh chitom ka yung krehkaam u BDO da ye ko wow pyndep hadooh 156 ha waroh kawi ka Block.

Ha kani ka sngi da yoh yei klam na u Khiat Lytep uwa man u waheh chnong Thadsning uwa man leh kam u Chairman ka VEC, da pynkut ya ka da ki kyntien ekhublei na u Waibormi S. Manner uwa man kam u Gram Sevak ka Shilliang Myntang Circle. 

Ya kani ka sngi da pynphooh da i chaad iwa da pynkhreh da kiwa yoh myntoi ya kani ka Scheme ha kani ka chnong. 

Share this:
Previous

Kyrchaan ka FKJGP Laskeiñ Circle yei dawa pasi ya kiwa pynyap yaka khynnah skur

Next

Daw e ki paidbah yei sneiñ yaki MLA ha u 2023 lada ym pynyoh ILP: CoMSO