U President ka National People’s Party (NPP) Meghalaya State Unit, u Dr. Wanwei Roy Kharlukhi da ong u wa ka NPP da booh thong ko wow jop palat 31 ngut ki MLA ha ka Election 2023 yow synchaar samen hadien ka Election.
Hawa kylli iyi wa pynman ya ka NPP wow booh ya katai ka thong, da ong u wa ka NPP u yakhun katni ha ki 54 tylli ki Constituency wei na kini da em kyrmen wow jop bait palat 31 ngut ki MLA. Hawa kylli chooh chooh da ong u wa hanla kattæ leh daw pait hadien ka Election la emkaam ya ka sorkar khleh khoo lang.
Hawa kylli hajrong i em ki MLA ka Party kiwa daw yut noh, u Dr. Kharlukhi da ong u wa i mih ki MLA na ka NPP toh wa sñiawthooh ki wa ym yoh Ticket de, tangwa da kyntait u wow khana yei pyrtuid yong kitæ ki MLA tangwa da khana u wa em 3 ngut ki wym yoh Ticket kiwa da ye wow lai paan noh na kiwi ki Party.
Chooh chooh da ong u wa ka Party ha chwa u Duyatra (Jan) 2023 wow wan da em 8 ngut ki MLA na kiwi ki Party wow psiah yow yakhun na ka NPP.
