theme-sticky-logo-alt
theme-logo-alt

Daw joor biang u slap, pynmih yusneiñ ka sorkar

Neidaw wa daw joor u slap ha ka 14 wa 15 tarik uni u bnai katkam wa da pyntip da ka India Metrological Department, Meteorological Centre, Shillong ha East Khasi Hills wa West Jaiñtia Hills ha ka 14 tarik wa deilang waka South West ha ka 15 tarik, neiliang ka sorkar da pynmih ko yei yusneiñ kammon wow leh ha kam kini ki por wa joor u slap, u kdur waka lailieh.

Ki paidbah toh u kdoh pynskem ki ya kiwon kiwon kiwa ye ka la-ær u rah u rong nadooh ki lyngkhot dieñ, ki tin, ki moo, i jhep, ki Signboard wa kiwi kiwi de.

Lada i thaba ka lailieh toh iwa joor wei nehslem i, bha wow dam u pynemkaam ya ki tiar wa emkaam bordiñ, u tympleh ya waroh ki Mobile Charger, ki TV, ki isteri wa kiwi kiwi.

Da kyntu ya ki paidbah wow man ki kiwa syndong ya idæ neibhah i chlai um ye i wow jia ha iwon iwon i por hadien wa joor u slap khamtam ki thaw wa em harood yong ki wah wa ki wah dooid.

Da kyntu leh ya ki paidbha wym toh u lai ki chajan ki thaw wa em um nadooh ki heh, ki khian kamjooh cha ki kchaaid ha ki por wa joor slap neibhah ym tikna yei bor wa kai ka um kawa ye u rah ya u bru.

Share this:
Previous

Dei wym yohsa lai ka Synjuk Waheh Chnong Jowai cha ka High Court

Next

Sah sa 7 ngut kiwa dang chah ktah ha Meghalaya