Ka Synjuk Waheh Chnong Jowai hadien wa pynmih ka Meghalaya High Court ya ka hukum wow phah ya ka sorkar wow kyrriah noh ya i jhep wa lang wa sah ha Jowai, ynne ka sngi ka Synjuk da ekhublei ko ya ka High Court.
U President ka Synjuk, u Alan Niangti da ong u wa dei wym yohsa da hap ki wow lai cha ka Meghalaya High Court hajrong ini i kaam.
Hawa kylli, da pyntip u wa neipor cheipor u MLA ka thaaiñ, u Wailadmiki Shylla da pyntip u wa jooh thooh u ya ki laad ki luti katwa heipor wa da booh sngi wow yachem wa u Montri ka chnat Pynroi Sor, u Sniawbhalang Dhar na ki daw kiwa ymtip ymyoh wow yachem wei hadooh katni i kaam da man iwa sahteiñ.
U Secretary ka Synjuk, u Rq. Riquoma Laloo da kyrmen u wa ka sorkar lyngba ka chnat Jowai Municipal Board daw leh noh ko ya iwa emkaam ha ki sngi wow wan.
Da kyntu u leh ya ka paidbah wymtoh u noh khiar ya i jhep kat chawa yoh wa kamjooh hajan ka wah Myntdu neibhah wa emkaam wow pynman ya ka sor Jowai wa ki talawiar yong ka kiwa khooid.
Puræ leh: Yaleh mukotduma ki Waheh Chnong hajrong i jhep ha Jowai, phah kit ka High Court