Ki seiñ yong ki kari kamai hapoh ka lama Meghalaya Joint Action Committee of Commercial Vehicles (MJACCV) ynne ka sngi da rai ko wow pynjoor chooh chooh ya i yakhih hajrong i wym mano ka sorkar wow khut yaklam wow pynbait ya i eh wa mih nei ku dor ware i phniang kari (Petrol/Diesel).
U Chairman ka MJACCV, u Wandonbok Jyrwa da ong u wa ka seiñ da rai ko wow pynjoor ya i yakhih deiwa pynman ya i chong kyllaiñ mynngor hakhmat ka Additional Secretariat ha ka 9 tarik uni u bnai nadooh 1:00 i sngi katwa cha kiwi ki District yong ka jylla ya i yakhih daw pynman ha ka jooh ka sngi ha ki District Headquarter.
Da pyntip u leh wa ha ka 8 tarik kiwa kamai kari u kyrchaan ki ya ka Rally paidbah ha Motphran wa da khut pynman da ka seiñ kiwa chong yaw kam ka dak wow kyrchaan ya i yakhih kiwa kamai kari wow dawa na ka sorkar wow pynhiar ya i dan yong i phñiang kari Petrol wa Diesel.