Ynne ka sngi kawa man ka sngi wa ar yong ka dorbar mang tangka ka Jaintia Hills Autonomous District Council (JHADC) neiliang u CEM ka JHADC, u Thombor Shiwat da ong u wa ka Council daw khang noh ko ya ka karkhana JUD wa pynmih kyndaw-bilat kawa em ha Elaka Narpuh, East Jaiñtia Hills.
Ya ini da ong u hawa jubab yeiwa kylli u MDC ka liang pyrchah, u Lakhon Biam hajrong ki kaam wa yatoh wa ki karkhana kiwa ym em u pynthymme ya ki NOC yong ki ha ki 5 snem wa dadep.
U Thombor da pyntip u wa ki kharkhana kiwa da pynthymme ya ki NOC toh ka Topcem, Dalmia, Hill Cement, Amrit Cement, Star Cement, Goldstone wa Green Valley.
Da pyntip u leh wa ya karkhana JUD neidaw wym bood ko ya ki kyndon ka Council da rai wow khang noh ya ka wei dang yang ya i rai ka MSPCB.
