Ka Seiñ Raij Ialong sa chisien ha kani ka kynti leh daw pynman biang ko yei kñia Sapet Bneiñ kawa man kawi na ka lehniam leh rukom yong ki khon ka Raij.
Ya kani ka kñia Sapet Bneiñ daw pynman ha kani ka 22 tarik uni u bnai hapoh ka Khloo Blai yong ka chnong Ialong, kawa man ka luti wow lai cha ka Park Ialong wa ka Pynthor Ialong.
Ka leh niam daw sdang nadooh i por 7:00 waje i step hadooh i por 7 waje i miet. Ha kani ka lehniam daw pynemkaam da u masi wow pyndep ya ka niam ka rukom wa ka kñia ka khriam.
Kamtæ hawa yatoh wa ini, neiliang u President yong ka Seiñ Raij Ialong, u Pyrkhat Shylla da booh u yei kyrpaad ya waroh ki paidbah kiwa jooh sñiawsuk wow wan ke chong ke cha kani ka Park wa kamjooh leh cha Pynthor Ialong wow sñiawbha ki wow sangeh chwa wow wan ha katai ka sngi ka 22 tarik khnang wa ka lehniam leh rukom u man ko kawa lai bait lai ryntih khlem iwon iwon i pynwit pynthut.
