U Montri Rangbah ka jylla, u Conrad K Sangma da pyntip u wa ka sorkar jylla daw khut yaklam biang ko ya waroh chwa wow chim yei rai wow lai chakhmat yow pynkrehkaam u wanrah ya ka luti rel hapoh ka jylla.
Da ong u wa ini toh i kaam wa da sahteiñ da slem wei ym toh iwa daw ye u pynbait du ha chi sngi lane hapoh chi snem.
Da ong u wa ini i kaam toh iwa kylleiñ wei hap u kaap chakhmat kajiak chisien deiwa yahlang wa ki paidbah kiwa sñiawkhia yeini deiwa pynsñiawthooh kammon i thmu wow lai chakhmat.
Kam wow pynkynmoo wa ini wa dep hapoh ka Yung Dorbar, da pyntip wa ka sorkar pyrdi da jhan ko wow chna ya ka luti rel hapoh Meghalaya.
Hapoh Meghalaya iwa da tyrwa toh wow pynpoi ya ka luti rel hadooh Byrnihat uwa jrong 22 Km kawa tip kam ka Tetelia-Byrnihat Line wa ka 108 km wa tip kam ka Byrnihat-Shillong line.
Ka Tetelia-Byrnihat Project toh kawa da dep u sdang u chna tangwa da mih boon i pyrchah neidaw wa ka luti rel daw wanrah yei boon ki bru wa na baar.
Puræ leh: Chah hiar thma ka thaw kreh ka North Eastern Railway wa em ha Ri-Bhoi District
Puræ leh: Thmu ka sorkar wow lai chakhmat u chna luti rel deiwa yaklam chwa wa kiwa pyrchah
