Daw khut yalang u montri wow bichaar ya ka Zoo wow booh ha Umtrew kawa da sah kut la 13 snem

Shillong: U montri ka tnat khloo ka jylla, u Lahkmen Rymbui da ong u wa ka tnat daw bichaar bniah ko ya ki kaam wa yatoh wa ki kreh ya ka tahw ri mrad ka Umtrew Zoo ha ka tayaw wow wan.

Hawa yaklam wa kiwa pathai khubor ynne ka sngi, u Lahkmen da ong u wa hadooh katni ym pu puræ bniah ya i man i long yong kani ka thaw ri mrad ha Umtrew kawa da sdang nadooh u snem 2005. Kani ka Zoo ympu ye wow pyndep wot hadien 13 snem kattu.

Da ong wa neidaw wa dang chimkti u ya kani ka tnat, emkaam por u wow puræ bniah khamtam ha kini ki sngi, ympu yoh wow kdar file neibhah wa dang em ka dorbar mang tyngka ka jylla.

Kani ka thaw ri mrad em ko ha Umsning, Ri-Bhoi District ka jylla, kawa heh kamwa 75 Hectare, da sdang nadooh u snem 2007 wow chna ya ka tangwa hadooh katni ympu dep ya ka.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ka sorkar pyrdi da dep pyllait poisa ko hadooh T. 12 klur na ka mang poisa kawa T.30 klur ha u snem 2007.

Ha ka bui, u Comptroller and Auditor General of India (CAG) da kdaw wa hadien 10 snem wa da pyllait ya ka poisa, ki kaam ym em u lai ki chaaid chaaid deiwa pynbaad wa da em i leh bakla ka tnat khloo ka jylla.

Ha kawi ka phang, u Lahkmen da ong u wa ka sorkar daw pait ko ya ki laad wow yada ya ki mrad khamtam ha ki thaw wa jooh lai ki hati khloo ha ka thaiñ Baghmara ka South Garo Hills.

Da ong u wa ka sorkar em i thmu yong ka wow yada ya ki um ha ka jylla deiwa chna ya ki laad wow pynchlur ya ki bru kiwa jooh em bynta wow pynneh ya ki khloo kam ki khloo blai, khloo langdoh wa kiwi kiwi.