Jowai: Ki paidbah ka 7-Amlarem Constituency ynne ka sngi da e ki ka rai wow jied biang ya u MLA warim ka thaiñ u kyrtong ka UDP u Lahkmen Rymbui wow man biang u kam uwa mihkhmat yong ki cha ka yung dorbar chna aiñ ka jylla ha kani ka kynti.
U Lahkmen da jop u deiwa yoh ya ka Vote kawa kynjoh hadooh 14,570 vote deiwa tam u ya u kyrtong ka NPP u Stephanson Mukhim uwa da yoh 12,019 Vote.
U Lahkmen hawa yaklam wa kiwa pathai khubor hadien wa chah jied u da ong u wa em chiboon ki kaam pynroi hapoh ka Constituency wei ym em u booh u iwon iwon hakhmat heiwa waroh da man ki kiwa emkaam ya ki paidbah ka Constituency.
Da ong u leh wa kam uwa mihkhmat daw kreh u neibynta i warim deiwa wanrah leh ya iwa thymme hapoh ka Constituency.
Discussion about this post