Ka United Democratic Party (UDP) kawa em 8 ngut ki MLA hapoh ka Yung Dorbar Chna Aiñ ka jylla wa uwi u MLA samen na Baghmara uwa krehlang wa ka Party, da rai ko wow kyrchaan pura ya ka kyrtong President yong ka sorkar National Democratic Alliance (NDA), ka Draupadi Murmu kawa na ka jaitbru ri-loom na Odisha.
U President ka UDP uwa man leh u chongknor hapoh ka Yung Dorbar, u Metbah Lyngdoh da ong u wa ka Party daw lai ko chakhmat wow kyrchaan ya ka kyrtong ri-loom heiwa da ong u wa da toh i por wow kyrchaan ya ki jaitbru ri-loom neibynta wow chimkti ya ka chuki wa khliehdooh ka ri.
Da ong u wa ki bru wa kiwa yahkhmat cha ri thor leh u kyrchaan ki ya kani ka kyrtong.
Kam wow kdaw heini, ka Election wow jied President wa thymme ka ri u man ko ha u Naiynñiaw uni u snem, wei neiliang ka sorkar NDA wa yahkhmat da ka BJP da rai wow pynyakhun da ka Draupadi Murmu kawa na ka jaitbru ri-loom, katwa ka Liang Pyrchah won u pynyakhun ko da u Yashwant Sinha.
Puræ leh: Jied ka BJP da ka Draupadi Murmu ka jiatbru ri-loom na Odisha kam ka kyrtong President
