15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Daw lai Delhi biang yow yachem wa u Amit Shah hadien ka Election: Prestone

Advertisement ad1

U Symbood Montri Rangbah ka jylla u Prestone Tynsong da ong u wa ka sorkar da ksoh bait ko ya iyi wa u Amit Shah da kular u, wei da kyntu u ya ki seiñbhalang kiwa em hapoh ka jylla wow yai chah lang ki wa ka sorkar, deiwa pynrap wa du chi kut ka Election MDC ha Garo Hills, neiliang ka sorkar daw lai biang ko cha Delhi, wei ye u wow pynbait ya ka sngi wan cha Shillong.

Hawa klam ynne ka sngi, u Prestone da pyntip u wa neiliang ka sorkar lyngba u Montri Rangbah da phah ko yei pynkynmoo hajrong i kular u Montri Kaam Pohyung ka ri India, wa ka sorkar jylla dang paan ko hadooh katni.

Da pyntip u wa ha i por wa ka kynhun na ka sorkar jylla ka lai ko cha Delhi, toh u Amit Shah hi uwa da ong wa ym emkaam wow phah wan ya ki seiñbhalang cha Delhi, tangwa u Montri da kular u wow wan da idæ cha nongbah Shillong yow yachem lut ya waroh.

Da ong wa hadooh katni, ka sorkar dang yang ko yei kular yong oo, kopsar neidaw wa em ki Election ha kiwi ki jylla kamtæ ym pu ye u wow wan, boi hadien ka Election daw pyndep u ya i kular wa da khlai u hakhmat ka sorkar jylla.

Hawa kylli, da ong u wa ym ye wow ong wa u Amit Shah kheiñ stiñ u yei dawa ka jylla wa da mynjur da ka yung dorbar, tangwa da ong u wa iyi wa u Amit Shah da kular u daw manbiej lada chim stiñ u khamtam wa da kular u hakhmat u Montri Rangbah wa u Symbood Myntri Rangbah neibhah ym toh i kaam khynnah.

Share this:
Previous

Chlai um ki thaw uiñke suwari wa em ha Sahksaw

Next

Da dep phah lut ka sorkar cha ka DoNER yow chna noh ya u sarok khappood Bangladesh: Prestone