Ki MLA wa da psiah cha ka All India Trinamool Congress (TMC), hadien chi sngi wa da pynbna ki wow em noh wa ka TMC, ynne ka sngi ka 26 tarik da pynman ki ya i yachemlang wa nyngkong ha ka Parliamentary Party (PP), wow yaklam ya ki mat kam ki MLA ka Party wow rah ki neibynta i myntoi ka jylla.
Katkam ka wyrta wa da yoh, ki MLA wa da psiah cha ka TMC daw lai yachem ki ya ka heh dooh ka Party ha ka 29 tarik ha Kolkata wow jied ya u President yong ka Party hapoh ka jylla. Ha ka yalang wa da man ynne ka sngi da jied ya u Dr. Mukul kam u Leader ka Parliamentary Party, ya u Himalaya Muktan Shangpliang kam u Spokeperson, katwa ya u George B Lyngdoh kam u Opposition Chief Whip hapoh ka yung dorbar.
U Dr. Mukul Sangma da ong u wa boon kiwa yahkhmat ka jylla kiwa em i sñiawkhia neibynta ka jylla, wei em leh boon ngut kiwa kwah wow leh iwon iwon iwa bha neibynta ka jylla ym du kiwa wan cha ka TMC tangwa wot kiwi ki wym em u wan leh.
Da kob u leh wa lada kwah u wow em ha i bor, u Dr. Mukul da ye u wow em ha i bor ha iwon iwon i por wot katni leh tangwa da ong u wa u Dr. Mukul ymtoh u bru wa raikot bor.
Hawa kylli, uwa yahkhmat warim ka CLP da ong u wa ym da emkaam wa kiwi ki MLA u psiah ki cha ka Party tangwa ki bru yong ki leh ye ki wow wan.
