Shillong: U Chief Executive Member ka Khasi Hills Autonomous District Council (KHADC), u Hispreaching Son Shylla da ong u wa i phah yong u Lat ka jylla ya ka Khasi Hills Autonomous District (Khasi Social Custom of Lineage) (Second Amendment), Bill 2018, wa da mynjur da ka dorbar KHADC dang ha kini ki sngi cha ka District Council Affairs (DCA) yong ka sorkar jylla ym em mut wa da chah kyntait kani ka Bill, tangwa u Lat da phah u cha ka sorkar jylla wow puræ bniah wow e yumut hajrong kani ka Bill.
U Shylla da ong u leh wa kam u Lat em u i bor wow phah bichaar ya kani ka Bill chadooh ka Ministry of Home Affairs (MHA) ka sorkar India, tangwa neiliang u CEM da ong u wa, “Ym em luti wow leh ya ini wei da leh ya ini pynyoo wa u Lat ym em bichaar hok u ya kani ka Bill.”
U CEM da ong u leh , “Wow phah cha ka MHA ym yahaap, neibhah lada em iwon iwon i duna toh u phah biang cha i yow ye u pynche.”
U Shylla da ong u leh wa lada u Lat u phah u ya kani ka Bill cha ka MHA toh i thmu wow tynyap ya kani ka Bill wow pynwiar ka hapoh ka Home Mistry ka sorkar India.
“U Lat ye u paan yumut na u Advocate General wa na ki Cabinet Minister ka sorkar jylla,” ong u CEM.
Heijooh i por u CEM da ong u wa ka Council ym chah ko wow pynslem yei yoh ya i chon muhor u Lat wow pynman aiñ ya kani ka Bill.
“Daw man i chah yoobeiñ ka Council lada pynslem wow e ya ka muhor na u Lat, la kamwon kamwon hapoh 3 bnai yow pynman aiñ noh ya kani ka Bil,” da ong u Shylla wei da pynrap u leh deiwa ong wa lada u Lat ym e u ya ka muhor hapoh 3 bnai toh u e u ya i pynche deiwa thoh.
Discussion about this post