Katni da em ki artylli ki seiñbhalang wa em ha ka thaaiñ khappood ka ri wa ka Bangladesh ha ka East Jaiñtia Hills, ka Southern Border Youth Welfare Association (SBYWA) ryngkat wa ka Jaiñtia Youth Federation (JYF) South Eastern Border Circle.
Kini ki ar tylli ki seiñbhalang hadien wa sñiaw ki yei ood i naam ki paidbah ka thaaiñ khappood da iwi i sur da rai ki wow chna pynmiat noh ya u sarok nadooh na chnong Lama, Borkhat, Kwator wa kiwi kiwi.
Kamtæ da khut ya waroh ki dkhot ki seiñbhalang wow mih ryntih ha ka 17 tarik nadooh 10:00 waje i step wow emlang ha kani ka kaam i wow neh hadooh 3:00 waje i sngi.
Heijooh i por ka seiñ da maham ko leh ya ki bru wa emkti wow yarap ya ki dkhar Bangladesh wow psiah chapoh India.
Neiliang ki ar seiñ da kyntu ki ya ki paidbah wow krehlang ryngkat khnang wow wanrah yei chongsuk ha chnong.
Kani man ko katkam ka wyrta lyngba u S. Shadap, President SBYWA wa u J. Lakhi, President JYF- SEBC, East Jaiñtia Hills District.
Discussion about this post