Shillong: Ka sorkar jylla da rai ko wow paan ram hadooh US $300 Million neibynta wow kreh ya ki kaam pynroi ha ka jylla kiwa yatoh wa ki luti syngkieñ kamjooh leh ha ki wah.
U montri ka chnat bordiñ ka jylla u James K Sangma ynne ka sngi, da pyntip u yeini hadien ka yalang ka dhab ki montri.
U James da ong u wa ha ka yalang da pdiang leh wow chim ram wow chna ya ka Meghalaya Integrated Transport Projects na ki chlem e poisa ka pyrthai kam ka World Bank, ka Asian Development Bank wa kiwi kiwi hajrong ini i thmu.
Katkam i ong u James, na kani ka $300 million, 20% u pynlut da ka jylla katwa 80% won deiwa chim ram ha ka sut wa jem bha.
Iwi tawon i rai ynne ka sngi toh wow pynkylla ya ka Physical Responsibility Amendment Bill 2006, heiwa da mynjur wow pynku ya i bor chim ram ka sorkar jylla cha ka 4% na ka 3% neidaw i duna poisa.
Chooh chooh da pyntip u leh wa daw rah yeini ha yung dorbar katkam ka Fiscal Responsibility and Budget Management Act, 2003 (FRBMA).
Discussion about this post