Hadien wa chah siat ka kari wa chong u Actor Bollywood, u Tiger Shroff ynnin i miet ka 18 tarik, ki pulit ka Kota ynne da kem ki ya ki le ngut wa chong da ka rel wei ya ini da pyntikna da ka SP ka Kota, ka Tejaswani Gautam.
Kini ki le ngut toh kiwa ar ngut na Haryana wa uwi uwa Bihar. Uwa na Haryana da tip kam u Rehan, uwa na Bihar won toh uwa tip kam u Ritik wei uwi won uwa na Haryana toh uwa dang khian rta heiwa ki pulit dang pyntikna ki yeini.
Ki le ngut da siat ki ha ka kari wa chong u Tiger heipor 7:00 waje i miet ha Juhu Mumbai hadien wa mih u na ka thaw yalehbol. Wei kini da tip ki wow yang cheini i thaw deiwa pyntip cha ki wa jooh lai yalehbol u ha kani ka thaw ha ki sngi Sunday.
Ka SP da ong ko wa ki le ngut mar ya dep siat ya u Tiger da yut ki da ka Bus cha Jaipur neitæ cha Delhi dei thmu wow yut cha Nepal.
Em leh ka khubor wa da ong wa da su chwa kam ka Advance Rs. 50,000 cha kini ki le ngut iwa ye u man da ka Lawrence Bishnoi Gang kawa dadep leh wow kitklieh yeini wa jia.
U Deputy Chief Minister ka Maharashtra, u Eknath Shinde da yachem u wa u Tiger uwa da takha ha rupai wa na kti neiwa piah ka yit kari kamjooh nei bor wa pdung kuli neidaw wa em u hajan bha wa ki bru wa siat.
Neiliang ki pulit mar jia ini da pynjoor ki yei sonteri ha yung u Salman Khan ka Galaxy Apartments ha Bandra.
Da Regsiter ki leh ya ka Case hapoh ka kyndon Section 109(1) wa 3(5) ka Bharatiya Nyaya Sanhita, kamjooh ka Sections 3 wa 25 yong ka Arms Act.
Discussion about this post