Ka India Meteorological Department (IMD) da pyntip ko wa daw pteiñ u slap ha Meghalaya ha kini ki 4-5 sngi.
Da pyntip wa neidaw wa joor ka la-ær ha ka Bay of Bengal ha kini ki 4-5 sngi wadep da wanrah yow slap wa joor haka thaaiñ Northeast wei daw pteiñ biang u slap wa joor hadooh uwa joor bha deilang wa u kdur wa lailieh nadooh ka 15 hadooh ka 17 uni u bnai wei daw joor bha u slap haka 18 wa 19 tarik.
Ha kini ki 24 kynta wa da lai hadooh 8:00 waje ynne i step i joor slap man i kamni:
Ha Amlarem 335.5 (mm), Mawkyrwat 257.0 (mm), Mawphlang 183.8 (mm), Mawsynram 250.0 (mm), Nongstoin 32.0 (mm), Williamnagar 52.0 (mm), Baghmara 95.8 (mm), Khliehriat 210 (mm), Nongpoh 14.1 (mm), Jowai 291.0 (mm), Shillong 41.0 (mm), Barapani 20.4 (mm), ICAR Umiam 11.0 (mm), Mairang 10.5 (mm), Tikrikilla 48.2 (mm) wa ha Resubelpara 28.0 (mm).
Kamtæ ha ka 15 hadooh ka 17 tarik daw em u slap wa mula mala ha kiwa boon ki thaw wa u kdur deilang wa u slap wa joor ha ki kattu katni ki thaw katwa nadooh ka 18 hadooh ka 19 tarik daw pteiñ biang u slap wa joor hadooh uwa joor bha ha ki kattu katni ki thaw.
